Product Summery

O‘zbek adabiyotining atoqli namoyandasi, o‘zbek nasrchiligini yuksaklikka olib chiqa olgan sevimli adibimiz, O‘zbekiston xalq yozuvchisi O‘tkir Hoshimovning vafot etganiga bir yarim yilcha vaqt bo‘ldi. Adibimiz 2013 yil, 24 mayda vafot etgan edi. U 71 yillik umri davomida kitobxonlarga ajoyib romanlar, qissalar, dramatik asarlar, sayohatnomalar, publitsistik maqolalar qoldirdi. Bundan tashqari, O‘tkir Hoshimov hikoyalar ustasi ham edi. Umrining so‘nggi oylarida u hikoyalarini bir to‘plam qilib, kitobxonlarga taqdim etish niyatida tinmay ishlardi. Afsuski, bu ishni oxiriga yetkazishga umri bevafolik qildi. Nashriyotimiz uning ana shu boshlagan ishini davom ettirib, adib hikoyalarini bir muqovaga jamladi. Bizga bu ishda adibning rafiqasi, adabiyotshunos O‘lmasxon Hoshimova yaqindan yordam berdi.