Product Summery

Odamzot hayotida shunday pallalar bo`ladiki, ba’zida ularni hech qachon unutging kelmaydi, ba’zida esa tushingda kechirgandek unutishni xohlaysan. Ammo bunday vaqtlar hayotingda qanday iz qoldirganidan qat’iy nazar, baribir qalbingning bir bo`lagi hamisha o`sha xotiralar bilan band bo`lib qolaveradi... Noyob iste’dod sohibi O`tkir Hoshimovning «Tushda kechgan umrlar» asarini o`qigan kitobxon qalbidan ham shunday o`ylar kechadi. Romanda keltirilgan voqealar qamrovi juda keng: 30-yillarning mash’um «qatag`on» qilish manzaralari, 80-yillardagi ko`pchilikning yostig`ini quritgan Afg`oniston urushi lavhalari, shu yillarda sodir bo`lgan «o`zbek ishi»... Insonlar hayotida sodir bo`ladigan bu uchta yirik, juda katta hajmli voqealarni bir-biri bilan bog`lashda yozuvchi mahoratiga tan bermaslikning iloji yo`q. Voqealar yoki qahramonlar haqida gapirib o`tmoqchi emasmiz. Yaxshisi, o`zingizni mutolaaga chorlaymiz.